جیکب آباد(این این آئی)جیکب آباد میں مہنگائی نے جیالوں کی بھی چیخیں نکلوا دیں، پی ڈی ایم حکومت پر برس پڑے۔ تفصیلات کے مطابق حکومت کی جانب سے منی بجٹ اور پیٹرول کی قیمتوں میں ہرشربا اضافے کے بعد مارکیٹ سے عام ضرورت کی اشیاء نایاب ہو گئی ہیں مہنگائی کے اس طوفان نے جیالوں کی بھی چیخیں نکال دی ہیں اور جیالے پی ڈی ایم حکومت پر برس پڑے ہیں سوشل میڈیا پر ایک جیالے بشارت نے بدترین مہنگائی پر خاموش رہنا مجرمانہ قرار دیتے ہوئے پی ڈی ایم سرکار نامنظور کا نعرہ لگا دیا ہے جس پر لوگوں کی جانب سے دلچسپ تبصرے بھی کئے جا رہے ہیں۔