لاہور (آن لائن) لاہور سمیت پنجاب بھر میں اندھے قتل کی وارداتوں میں اضافے کے بعد پنجاب پولیس نے اجرتی قاتلوں کا سراغ لگا لیا ہے۔ پولیس ذرائع کے مطابق اس وقت صرف لاہور میں اجرتی قاتلوں کی تعداد 37 ہے جو معمولی رقم لے کر بیرون ملک بیٹھے مافیا کے احکامات کی روشنی میں شہریوں کو قتل کرنے میں مصروف ہیں۔ بتایا گیا ہے کہ آئی جی پولیس پنجاب نے لاہور میں موجود تمام اجرتی قاتلوں کی گرفتاریوں کا حکم دے دیا ہے۔ پولیس ذرائع کا یہ بھی کہنا ہے شہر میں اجرتی قاتلوں کے ذریعے معصوم شہریوں کو قتل کرنے والے انڈر ورلڈ کے لوگ لندن اور دبئی میں بیٹھے ہیں جو اجرتی قاتلوں کے گروہوں کو اپنے مقصد کے لئے استعمال کر رہے ہیں۔