اسلام آباد (این این آئی) پاکستان پیپلز پارٹی کی سینئر نائب صدر سینیٹر شیری رحمن نے اسٹیل کے 9 ہزار سے زائد ملازمین کو فارغ کرنے کی منظوری کے فیصلے کی مذمت کرتے ہوئے کہاہے کہ آپ50 لاکھ نوکریاں دینے آئے تھے یا 50 لاکھ ملازمین کو بے روزگار کرنے؟ ۔ ایک بیان میں انہوںنے کہاکہ کیا فیصلہ پاکستان اسٹیل کے ملازمین کو اعتماد میں لے کر کیا گیا ہے، انقلابی سرکار 50 لاکھ

نوکریاں دینے کی دعوے دار ہے، 50 لاکھ نوکریاں دینے آئے تھے یا 50 لاکھ ملازمین کو بے روزگار کرنے؟ ۔شیری رحمان نے کہاکہ حکومت نے اب تک کتنی نوکریاں پیدا کی ہیں،ملک ایسے لوگوں کے ہاتھ میں ہے جو اسٹیل مل نہیں چلاسکتے۔ شیری رحمان  نے کہاکہ آئی ایم ایف کی سفارش پر لوگوں کو برطرف کیا جا رہا ہے، حکومت اپنے فیصلے پر نظرثانی کرے۔

موضوعات:پاکستان پیپلز پارٹی کی سینئر نائب صدر سینیٹر شیری رحمن