اسلام آباد (مانیٹرنگ ڈیسک)نجی ٹی وی پروگرام میں گفتگو کرتے ہوئےسینئرصحافی عارف حمید بھٹی کا کہنا ہے کہ مولانا فضل الرحمن نے دھرنے سے اپنے مقاصد حاصل کر لیے ہیں۔ دھرنے کے دو مقاصد تھے جو حاصل ہو گئے۔انہوں نے کہا نواز شریف نے مولانا فضل الرحمن کی خاصی مدد کی ہے اس کے علاوہ پاکستان پیپلز پارٹی نے بھی ان کی مدد کی۔افغانستان سے بھی مولانا کو مدد ملی ہو گی وہ کس طریقے سے ملی اس پر میں نہیں جانا جاتا۔

عارف حمید بھٹی نے مزید کہا کہ عمران خان کئی بار کہہ چکے ہیں کہ میں نواز شریف سے لوٹا ہوا پیسہ واپس لوں گا،انہیں جانے نہیں دوں گا،جب کہ اب حکومت انہیں خود کہہ رہی ہے کہ آپ چلے جائیں۔سکیورٹی بانڈز تو ایک فارمیلٹی ہے جس سے حکومت اپنی عزت بچانا چاہتی ہے۔ عارف حمید بھٹی نے مزید کہا کہ مولانا کو افغانستان کے معاملے پر بھی گارنٹی دی گئی ہے کہ آپ ابھی چلے جائیں آئندہ آپ کو افغانستان اور طالبان والے معاملے میں اہمیت دی جائے گی۔

موضوعات:عارف حمید بھٹی