کراچی(نیوزڈیسک)وزارت داخلہ نے پاکستان میں رواں برس آنے والی چھٹیوں کی تفصیلات جاری کردی ہیں ،کچھ تعطیلات کو چاند نظر آنے سے مشروط کیا گیاہے جبکہ کچھ تعطیلات سرکاری سطح پر منائی جائیں گی۔وزارت داخلہ کے نوٹیفیکیشن کے تحت 5 فروری 2019 بروز منگل کو کشمیر ڈے کی تعطیل ہوگی۔23مارچ ہفتے کے روز پاکستان ڈے کی تعطیل ہوگی۔یکم مئی بدھ کے روز لیبر ڈے کی چھٹی ہوگی۔ عیدالفطر کی تعطیلات
5،6،7 جون کو ہونگی۔ عیدالاضحیٰ کی تعطیلات 12،13،14 اگست کو ہونے کا امکان ہے۔یوم آزادی کی تعطیل 14 اگست بروز بدھ کو ہوگی۔ ستمبر کو 9 اور 10 تاریخ کو 9 اور 10 محرم کی تعطیل ہوگی۔ عید میلاد النبی10 نومبر کو منایا جائے گااور اس موقع پر تعطیل ہوگی۔ 25 دسمبر بروز بدھ قائد اعظم کی پیدائش اور کرسمس کی تعطیل ہوگی۔اس کے علاوہ 6 مئی بروز پیر اور یکم جولائی بروز پیر کو بینکوں میں تعطیل ہوگی۔
