اسلام آباد(مانیٹرنگ ڈیسک )عدالت میں عدم پیشی پرایڈمنسٹریٹرلاری اڈہ عائشہ ممتاز سمیت فوڈ اتھارٹی کے 3 افسران کےوارنٹ گرفتاری جاری ۔ نجی ٹی وی کے مطابق جوڈیشل مجسٹریٹ نےعائشہ ممتاز سمیت دیگر افسروں کے وارنٹ گرفتاری جاری کیے۔عدالت نے تھانہ باغبانپورہ کے 5 پولیس افسروں کی گرفتاری کا بھی حکم جاری کر دیا۔عدالت نے حکم دیا کہ
ڈی آئی جی آپریشنز لاہور گواہوں کو24 جنوری کو عدالت کے روبرو پیش کریں۔ سرکاری افسروں کے ناقابل ضمانت وارنٹ گرفتاری جوڈیشل مجسٹریٹ ملک عظمت اللہ نے جاری کیے ۔ وارنٹ گرفتاری کا مراسلہ ڈی آئی جی آپریشنز کو بھجوا دیا گیا ہے جبکہ پولیس نے مذکورہ سرکاری ملازمین کی گرفتاری کے لیے اقدامات اٹھانا شروع کر دئیے ہیں۔
