نارووال(آن لائن) سابق وزیر داخلہ احسن اقبال نے کہا ہے کہ مسلم لیگ (ن) سے امتیازی سلوک برتا جا رہا ہے ‘جو کہ نامناسب ہے ‘ہمارا مقابلہ ظلم ، بربریت ، بیروزگاری اور جہالت سے ہے جس کو انشاء اللہ ہم شکست دیں گے ۔ ان خیالات کا اظہار انہوں نے نارووال میں جلسہ عام سے خطاب کے دوران کیا۔ مسلم لیگ(ن) کے رہنما احسن اقبال نے کہا کہ مسلم لیگ(ن) نے ہر دور میں عوام کی خدمت کی ہے ۔ موٹر وے ، ہسپتالیں ، لوڈشیڈنگ اور دہشتگردی

کے بحران کا خاتمہ کیا ۔ ملک کو بحران سے نکالنے کے لئے (ن) لیگ نے ہمیشہ اپنا کردار ادا کیا ۔ انہوں نے کہاکہ نواز شریف کو ووٹ کو عزت دو کے نعرے کو جواز بنا کر سزا دی جا رہی ہے ۔ نواز شریف نے اس ملک کو اندھیروں سے نکالا۔ دہشتگردی کا خاتمہ کیا اس بات کی سزا دی جا رہی ہے ۔ اب الیکشن سے چار دن قبل حنیف عباسی کو بھی تاحیات قید کی سزا سنا کر نااہل کر دیا گیا ہے یہ کہاں کا انصاف ہے ۔