اسلام آباد(نیوز ڈیسک) خلیج تعاون کونسل (جی سی سی) کے رکن ممالک نے کہا ہے کہ یمن میں جنگ بندی کے لئے ضروری ہے کہ منتخب حکومت کا تختہ الٹنے والے حوثی باغی سیکیورٹی کونسل کی قرارداد کا احترام کریں جس میں ان پر زور دیا گیا تھا کہ وہ اقتدار پر غاصبانہ قبضہ ختم کریں۔منگل کو نیویارک میں خلیج تعاون کونسل ‘جی سی سی’ کے رکن ممالک نے اجلاس سے خطاب کرتے ہوئے کیا۔اجلاس میں جی سی سی کے رکن ممالک کے سفیروں نے عالمی ادارے کے جنرل سیکرٹری بین کی مون کے ساتھ چالیس منٹ تک ملاقات کی اور یمن کی صورتحال پر تبادلہ خیال کیا۔ گذشتہ ہفتے یو این جنرل سیکرٹری کے خصوصی ایلچی برائے یمن جمال بن عمر کے استعفی کے بعد پیدا ہونے والے صورتحال بھی اجلاس میں زیر بحث آئی۔بین کی مون نے جمعہ کے روز یمن میں ‘فوری فائر بندی’ پر زور دیا تھا، اسی تناظر میں سعودی عرب کی قیادت میں عرب ملکوں کی طیارے 26 مارچ سے ایران کے حمایت یافتہ حوثی باغیوں کے خلاف فضائی حملے کر رہے ہیں۔اقوامِ متحدہ میں سعودی عرب کے سفیر عبداللہ المعلمی نے اجلاس کے اختتام پر ایک غیر ملکی خبر رساں ایجنسی کو بتایا کہ سیکرٹری جنرل فوجی کارروائیوں کا جلد خاتمہ چاہتا ہے، ہم سب یہی چاہتے ہیں۔ لیکن اس کے خاتمے کی کچھ شرائط ہیں اور انہیں گذشتہ ہفتے یو این کے پلیٹ فارم سے منظور کی جانے والی قرارداد میں سمو دیا گیا ہے۔