لاہور(مانیٹرنگ ڈیسک) پنجاب میں بے اے اور بی ایس سی کے نتائج کا اعلان کر دیا گیا ہے ۔ نتائج کے مطابق بی ایس سی میں یتیم لڑکی پہلی پوزیشن لے اڑی جبکہ بے اے میں غریب دکاندار کا بیٹا ٹاپ کر گیا۔تفصیلات کے مطابق پنجاب یونیورسٹی میں بے اے اور بی ایس سی کے نتائج کا اعلان گزشتہ روز کر دیا گیا ۔ ہما خالد 207 نمبر لے کر بی ایس سی میں پہلی پوزیشن لینے میں کامیاب ہوئیں ، جبکہ اوکاڑہ کے رہائشی اور دکاندار محمد منصور نے 566 نمبر لے کر آرٹس گروپ میں پہلی پوزیشن حاصل کی ۔ اس موقع پر کامیاب ہونے والے طلبا اور طالبات بہت خوش نظر آئے ۔ امتحانات میں 6 امتیازی پوزیشنوں میں سے 5 پرائیویٹ کالجز کے طلبا و طالبات نے حاصل کیں ۔