نیویارک(نیوز ڈیسک) عام طور پر مہمانوں کا استقبال پھولوں کی پتیاں نچھاور کر کے کیا جا تا ہے یا پھر سرخ قالین بچھا کر کیا جاتا ہے لیکن نیویارک میں ایک ایسا ہوٹل بھی ہے جہاں پر آنے والوں کا استقبال فرش پر سکے بچھا کر کیا جاتا ہے۔کبھی کسی نے سنا ہے کہ پیسے بچھا کر کسی کا استقبال کیا گیا ہو؟ اس کا جواب یقیناً نہیں میں ہوگا مگر ایسا ہوچکا ہے کیونکہ نیو یا رک کے ایک ہوٹل میں آنے والے ہر مہمان کا استقبال فرش پر سکے بچھا کر کیا جاتا ہے۔ نیویارک میں واقع ”اسٹینڈرڈ ہوٹل“ کے فرش پر دیدہ زیب ٹائلز کے بجائے ہزاروں سکے لگائے گئے ہیں جن پر چلنے والا ہرشخص خو د کو انتہائی خاص محسوس کرتا ہے۔