بیجنگ(این این آئی)چین نے سیکیورٹی خدشات کے باعث واخان کوریڈور کو کھولنے سے انکار کردیا ہے، جس سے طالبان رجیم کو بڑا دھچکا پہنچا ہے۔
ناجائزطالبان رجیم میں افغان سرزمین سے دہشتگردی کے خطرات نے ہمسایہ ممالک کی سلامتی کو متاثر کیا ہے۔ افغان جریدے کے مطابق چین نے سیکیورٹی خدشات دور ہونے تک افغانستان کے ساتھ سرحد کھولنے سے انکار کردیا ہے۔افغان جریدے کے مطابق چین نے واخان روڈ کی افتتاحی تقریب میں شرکت نہیں کی اور نہ ہی اسے سفارتی سطح پر باضابطہ طور پر تسلیم کیا۔ چین کو سرحدی سیکیورٹی پر تشویش ہے اوروہ مشرقی ترکستان اسلامک موومنٹ کو سنکیانگ کے لیے خطرہ سمجھتا ہے۔
چینی ماہرِ بین الاقوامی امور ژو یونگ بیاو کیمطابق واخان سرحدی گزرگاہ کھلنے کے امکانات انتہائی کم ہیں، کیونکہ چین کے لیے افغانستان کے ساتھ تجارت کے فوائد کم اورسیکیورٹی خطرات اور اخراجات زیادہ ہیں۔
