اسلام آباد(این این آئی) عدالت نے بیٹے کے ہاتھوں بیوی کے قتل کے واقعے پر سینئر صحافی ایاز امیر اور ان کی اہلیہ کے وارنٹ گرفتاری کی درخواست منظور کر لی۔تفصیلات کے مطابق اسلام آباد میں تھانہ شہزاد ٹان کی حدود چک شہزاد میں بیٹے کے ہاتھوں بیوی کے قتل کے واقعے پر پولیس نے مرکزی ملزم کے والدین کے وارنٹ گرفتاری کی درخواست دائر کر دی۔عدالت نے سینئر صحافی ایاز امیر اور ان کی اہلیہ کے وارنٹ گرفتاری کی درخواست منظور کر لی۔پولیس نے کہا کہ ایاز امیر، ان کی اہلیہ، ملزم کے چچا اورچچی کے وارنٹ گرفتاری جاری کئے جائیں، جج نے تفتیشی سے استفسار کیا آپ کو کس لئے ان کے وارنٹ گرفتاری چاہئیں۔عدالت نے چچا چچی کے وارنٹ گرفتاری کی درخواست کو مسترد کردیا۔