حیدر خیل، ریاض (مانیٹرنگ ڈیسک) شمالی وزیرستان میں چاند نظر آ گیا، عیدالفطر منانے کا اعلان کر دیا گیا، 24 نیوز کی خبر کے مطابق باقاعدہ اعلان گواہان کا کمیٹی کے سامنے شہادتیں دینے کے بعد کیا جائے گا، شمالی وزیرستان کے گاؤں حیدر خیل سے سات شہادتیں موصول ہوئی ہیں، گواہ رویت ہلال کمیٹی کے سامنے پیش ہو کر شہادتیں دیں گے، شہادتوں کے بعد عیدالفطر کا اعلان کیا جائے گا۔ واضح رہے کہ سعودی عرب میں شوال کا چاند نظر نہیں آیا جس کے بعد وہاں عید الفطر پیر کو ہوگی۔ سعودی عرب اور متحدہ عرب امارات میں چاند نظر آنے کی کوئی بھی شہادت موصول نہیں ہوئی۔