اسلام آباد (این این آئی)سابق وفاقی وزیر فواد چوہدری نے کہا ہے کہ (ق) لیگ میں شمولیت کا کوئی فیصلہ نہیں کیا۔نجی ٹی وی سے گفتگو کرتے ہوئے سابق رہنماء پی ٹی آئی و سابق وفاقی وزیر فواد چوہدری نے کہا کہ میری چوہدری محمد سرور سے کوئی ملاقات نہیں ہوئی ہے اور نہ ہی میں نے (ق) لیگ میں شمولیت کا کوئی فیصلہ کیا ہے۔قبل ازیں اطلاعات تھیں کہ فواد چوہدری نے (ق) لیگ کے چیف آرگنائزر چوہدری سرور سے ملاقات کی ہے جس میں ملکی سیاسی صورتحال اور (ق) لیگ میں شمولیت سے متعلق بات چیت ہوئی ہے۔