اسلام آباد (این این آئی) تحریک انصاف کے سابق رہنماء فواد چوہدری اور مسلم لیگ (ق)کے چیف آرگنائزر چوہدری سرور کے درمیان ملاقات ہوئی ہے۔نجی ٹی وی کے مطابق فواد چوہدری کا مسلم لیگ (ق) میں شامل ہونے کا امکان ہے۔اس سے قبل فواد چوہدری نے جہانگیر ترین سے بھی ٹیلی فونک رابطہ کیا تھا اور ان سے سیاسی لائحہ عمل پر تبادلہ خیال کیا تھا۔فواد چوہدری نے اپنی ٹوئٹ میں کہا تھا کہ میں پہلے ہی کہہ چکا ہوں سیاست سے وقفہ لے رہا ہوں، فی الحال سیاست کرنے کا کوئی ارادہ نہیں ہے۔