راولپنڈی(این این آئی)پاکستان تحریک انصاف رہنما جمشید چیمہ اور مسرت جمشید چیمہ کو اڈیالہ جیل سے رہا کردیا گیا۔ڈپٹی کمشنر راولپنڈی نے جمشید چیمہ اور مسرت جمشید چیمہ کے نظر بندی آرڈر منسوخ کردیے۔ آرڈر منسوخی کے بعد دونوں کو اڈیالہ جیل سے رہا کیا گیا۔

خیال رہے کہ 23مئی کو مسرت جمشید چیمہ اور جمشید چیمہ کو عدالتی احکامات کی روشنی میں اڈیالہ جیل سے رہا کردیا گیا تھا۔ رہائی کے بعد دونوں رہنماؤں کو پنجاب پولیس دوبارہ گرفتار کر کے لے گئی تھی۔ نجی ٹی وی کے مطابق دونوں کچھ دیر میں پریس کانفرنس کریں گے اور ان کی جانب سے پی ٹی آئی چھوڑنے کا اعلان متوقع ہے۔