پی ٹی آئی بد قسمتی سے دوسری ایم کیوایم بننے جارہی ہے،فیصل واوڈا نے آرمی چیف سے اپیل کر دی

17  مئی‬‮  2023

کراچی(این این آئی)پاکستان تحریک انصاف کے رہنمااور سابق وفاقی وزیر فیصل واوڈانے کہاہے کہ 9مئی کے فسادات میں ملوث لوگوں کو سزاملنی چاہئے،آرمی چیف سے اپیل کروں گا کہ جن لوگوں نے نوجوانوں کو گمراہ کیاان کو بھی کڑی سزادی جائے،اپنی تنصیبات کو آگ لگوایں تو میں اپنی سیاست پر لعنت بھیجتا ہوں،پی ٹی آئی بدقسمی سے دوسری ایم کیوایم بننے جارہی ہے۔

کراچی میں پریس کانفرنس کرتے ہوئے فیصل واوڈا نے کہاکہ پہلے ہی خبردار کردیا تھا کہ کچھ گٹرکے کیڑے اور سانپ سامنے آئیں گے اور وہ وکٹ کے دونوں جانب کھیلیں گے، مگر اب آدھا تیترآدھا بٹیر نہیں چلے گا، فوج کے ساتھ ہیں تو کھل کر کھڑے ہوں،کمر کا درد کا بہانہ کرنے والے وکٹ کے دونوں طرف کھیل رہے ہیں۔ انہوں نے کہا کہ بہکاوے میں آکر کچھ بچے، ماں اور بہنیں گمراہ ہوگئیں، سازش کے تحت لوگوں کو گمراہ کیا گیا، میں تو ان واقعات سے قبل ہی خبردار کرچکا تھا کہ آپ لوگ گمراہ نہ ہوں، اب آپ کے پیچھے کوئی نہیں آئے گا، پی ٹی آئی رہنماؤں نے گرفتار نوجوانوں اور بچیوں سے اظہار لاتعلقی کردیا ہے۔

ہمارے نوجوانوں کو برین واش کرکے گمراہ کیا گیا،نو جوانوں اور بہنوں کے لیے ریلیف ملنا چاہیئے، آگ لگانے کے بعد جو کہہ رہے ہیں ان کوایسا نہیں کرناچاہیے تھا،یہ وہی لوگ تھے جو کہتے تھے کہ کوئی گرفتارہوتاہے تو ان کوبیماری یاد آجاتی ہے، ان لوگوں نے بے شرمی،مکاری،جھوٹ کے تحت لوگوں کوگمراہ کیا،آج رونے والے بے حس ہیں، دوسروں کو بیماری کا بہانہ بنانے کا طعنہ دینے والے آج خود علاج کرارہے ہیں۔

انہوں نے کہاکہ عمران خان نے مجھے پندرہ سال پہلے اپنا ملک کا سبق پڑھایا،کچھ لوگ جیلوں سے پیغامات دے رہے ہیں کہ ہمیں معافی دیدو،اب کسی کو معافی نہیں ملنی چاہیئے،کسی کو معافی ملی تو پھر ہم پاکستان کو بچانے کے نام پر کئی معاملات کو اپنے ہاتھ میں لے لیں گے عدلیہ کی ساتھ کھڑا ہونا چاہیئے کہ فوج کے ساتھ،آدھا تیتر اور آدھا بٹیر نہیں چلے گا،چھ ماہ قبل جس چیزکی نشاندہی کی وہ ایک ایک بات سچ ثابت ہوئی۔انہوں نے کہاکہ آرمی چیف سے اپیل کروں گا کہ جن لوگوں نے نوجوان کو گمراہ کیاہے ان کو کڑی سے سزا دی جائے۔انہوں نے کہا کہ یہ عدلیہ بھی ہماری ہے،فوج اور پولیس بھی ہماری ہے، اداروں کو بچانے کیلئے کسی بھی حد تک جاناپڑے تو جاؤں گا،پاکستان ہے تو عدلیہ،فوج،میڈیا سب کچھ ہے،ہمیں تربیت ملی تھی کہ اصولوں پرکھڑے رہو، واضح کررہا ہوں کہ اداروں کو بچانے کیلئے کسی بھی حد تک جاناپڑے تو جاؤں گا، میرے خلاف جتنی فائلیں ہیں کھول لیں۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…