لاہور( این این آئی) تحریک انصاف کے رہنمائوں اورکارکنان کی گرفتاریوں کے خلاف لاہور ہائیکورٹ میں درخواست دائر کر دی گئی ۔تحریک انصاف کے رہنما انیس ہاشمی سمیت دیگر کی جانب سے دائر درخواست میں وفاقی حکومت ،صوبائی حکومت سمیت دیگر کو فریق بنایا گیا ہے ۔ درخواست میں موقف اپنایا گیا کہ وفاق اور پنجاب حکومت کی جانب سے پی ٹی آئی رہنمائوں اور گرفتاریاں کی گئی ،استدعا ہے کہ لانگ مارچ کے دوران سڑکوں کو بلاک نہ کرنے ،لانگ مارچ کے راستوں پر پیٹرول اور موبائل سگنل سروس بحال رکھنے اور تحریک انصاف کے گرفتار کارکنوں کو رہا کرنے کا حکم دیا جائے۔