اسلام آباد (مانیٹرنگ ڈیسک) سینٹ انتخاب میں یوسف رضا گیلانی کو جتوانے کے لئے پیسہ کہاں سے آیا۔ اس بارے میں بات کرتے ہوئے معروف اینکر عمران خان نے کہا کہ سندھ کے اندر جو پیسہ بانٹا گیاہے اور ناصر حسین کا نام کیوں آیا تھا، اگر آپ آڈیو کو یاد کریں، جس میں بلڈنگ کنٹرول اتھارٹی کا نام سامنے آیا تھا،اب ساری کہانی کھل کر

سامنے آ گئی، یوسف رضا گیلانی کو جتوانا تھا، اس میں سندھ کے ایم این اے زیادہ اہم کردار ادا کر سکتے تھے، کراچی میں پی ٹی آئی کے پاس دس سے زیادہ سیٹیں ہیں، 14 سیٹیں ان کو وہاں سے ملی ہیں، وہاں خرید و فروخت کچھ آسان تھی، کچھ مخصوص نشستوں کے اوپر خواتین موجود تھیں اور اندرون سندھ پی ڈی اے کو استعمال کرنے کا منصوبہ تھا لیکن اس کے لئے بہت بڑی رقم درکار تھی، جن لوگوں نے پنجاب میں یوسف رضا گیلانی کی مدد کرنا تھی ان کو یہیں پر مینیج کیاگیا ہے، ان کو پیسہ دے کر ٹکٹ کا لالچ دے کر بہت کچھ کرکے، مریم نے خود تسلیم کر لیا، خود اعتراف جرم کر لیا کہ ہم نے ٹکٹ کے بدلے میں ووٹ مانگا ہے اور یہ بھی ایک طرح کی رشوت ہے اور اس کے اوپر باقاعدہ نااہلی ہوتی ہے، بحرحال یہ مریم نواز نے کہا ہے ان کی نااہلی مشکل ہے کیونکہ ان کے اوپر الیکشن کمیشن بھی نوٹس نہیں لیتا، سندھ میں اتنا پیسہ کہاں سے آیا کیسے دیا گیا ان ایم این ایز کو، سندھ اسمبلی میں پیپلز پارٹی نے زیادہ سیٹیں نکالی ہیں، وہ پیسہ کہاں سے آیا جس سے ایم پی ایز اور ایم این اے خریدے گئے، یوسف رضا گیلانی کا آصف علی زرداری سے رابطہ تھا، یوسف رضا گیلانی نے اپنے بیٹے علی حیدر گیلانی کو ٹاسک دیا تھا کہ ان کو طریقہ واردات سمجھایا تھا اور پیسے دینا کا بھی طریقہ بتایا تھا، انہوں نے ناصر

حسین شاہ کا نام لیا تھا، آغا مقصود عباس ریٹائرڈ بیورو کریٹ ہیں، آصف علی زرداری کے بہت پیارے ہیں اور ان کے بہت عزیز ہیں، یہ بلڈنگ کنٹرول اتھارٹی کے ڈی جی رہے ہیں، یہ اب بھی نقشے منظور کرانے میں پیش پیش ہیں، غیر قانونی نقشے پاس کرنے کے لئے ان کے گھر میں جائیں اور ڈیل طے کریں اور اپنا کام کروا لیں۔ تمام

سودے بازیاں یہ شخص اپنے بنگلے میں بیٹھ کر کر رہا ہے۔ یہ سندھ گورنمنٹ کے لئے کافی عرصے سے کام کر رہے ہیں۔ ناصر حسین شاہ کے پاس بہت ساری وزارتیں ہیں اور کافی اختیارات ہیں اور یہ بھی آصف علی زرداری کے بہت قریب ہیں، آغا مقصود عباس کی ڈیوٹی لگائی گئی تھی کہ آپ نے پیسہ مہیا کرنا ہے، اور ناصر حسین شاہ بتائیں گے کہ کس کو کتنا اور کتنے بجے اور کہاں پیسہ پہنچانا ہے اور ان کو یوسف رضا گیلانی کا بیٹا علی حیدر بتائے گا کہ کسے کتنے پیسے دینے ہیں۔

موضوعات:یوسف رضا گیلانی