شرقپو رشریف( این این آئی)لاہور ،کراچی موٹروے پر شرقپور شریف کے مقام پر ختم کیا گیا ٹول پلازہ مسافروں کے لئے موت کاسبب بننے لگا،24 گھنٹوں کے دوران کئی گاڑیاں شرقپور ٹول پلازہ کے بنائے گئے بوتھس اور ڈیوائیڈر سے ٹکرا نے سے متعدد افراد زخمی ہو گئے ۔ تفصیلات کے مطابق لاہور ،کراچی موٹروے ایم تھری شرقپور ٹول پلازہ جہاں سے پہلے گزرنے والے شہریوں سے پرچی وصول کی جاتی تھی اور یہاں پر لمبی لمبی قطاریں لگنے کی وجہ سے شہریوں کو گھنٹوں انتظارکرنا پڑتا تھا چند روز قبل یہاں سے پرچی وصولی کا کوختم کر دیا گیا
تاہم ٹول پلازہ کے لئے بنائے گئے بوتھس اور ڈیوائیڈرز کو نہ ہٹایا جا سکا ۔رات کے اوقات میں لائٹوں کا انتظام نہ ہونے کی وجہ سے 24 گھنٹوں کے دوران متعدد گاڑیاں ان بوتھس اور ڈیوائیڈرز سے ٹکرا نے کے نتیجے میں متعدد افراد زخمی ہو گئے ۔شہریوں نے ایم تھری شرقپور ٹول پلازہ پر ہونے والے حادثات پر شدید احتجاج کرتے ہوئے بوتھس ، ڈیوائیڈرز کو ختم کرنے اور کنکریٹ کے بلاک ہٹانے کا مطالبہ کیا ہے ۔
