اسلام آباد (مانیٹرنگ ڈیسک) تحریک انصاف حکومت کے حامی معروف صحافی کامران خان نے وزیراعظم عمران خان سے اسمبلیاں توڑنے کامطالبہ کر دیا ہے، سماجی رابطے کی ویب سائٹ ٹوئٹر پر انہوں نے اپنے پیغام میں کہا کہ عمران خان نے چاہیں نہ چاہیں پارلیمنٹ نے بشمول پی ٹی آئی باغیان نے یوسف رضا گیلانی کو حفیظ شیخ پر فوقیت دے کر این آر او کے حق میں ووٹ دیا، اب وہ اس گرینڈ این آر او کو نہیں روک سکتے جو پاکستان کے دروازے پر کھڑا ہے
پارلیمنٹ کے نزدیک کرپشن الزامات کی کوئی حیثیت نہیں، بائیس کروڑ پاکستانیوں سے بھی پوچھ لیں، اپنے ایک اور پیغام میں کامران خان نے کہا کہ جو بھی ہوا جیسے بھی ہوا جنہوں نے بھی کیا اب ناممکن ہے عمران خان حکومت آج سینٹ نتائج سے جنم لینے والی سیاسی سونامی کو سہ سکے! لولی لنگڑی حکومت کس کام کی، عمران خان ہمت کریں اسمبلیاں تحلیل کریں، نئے انتخابات کا اعلان کریں پھر دیکھیں عوام ان کے ساتھ ہیں یا نواز، زرداری اتحاد کے ساتھ۔
