لاہور(آن لائن)لاہور میں رائیونڈ کے نزدیک نجی ہاؤسنگ سوسائٹی کے 16 سیکیورٹی گارڈز میں کوروناوائرس کی تصدیق کی گئی ہے۔ذرائع کے مطابق رائیونڈ کے قریب نجی ہاؤسنگ سوسائٹی میں 16 سیکیورٹی گارڈز میں کورونا وائرس کی تصدیق ہونے کے بعد فارم ہاؤس میں موجود افرادکو کورونا ٹیسٹ
کے لیے اسپتال منتقل کردیا گیا ہے۔ذرائع کا کہنا ہے نجی ہاؤسنگ سوسائٹی میں رینجرز اور پولیس تعینات کرکے سوسائٹی کو لاک ڈائون کرنے کی تیاریاں شروع کردی گئی ہیں۔ واضح رہے کہ پنجاب میں کورونا وائرس کے مجموعی کیسز کی تعداد 1918 ہوگئی ہے اور 15 افراد جاں بحق ہوچکے ہیں۔
