اسلام آباد (نیوز ڈیسک) پاکستان مسلم لیگ (ن) بھی کرونا وائرس کے خلاف جنگ میں میدان میں آگئی، ن لیگ نے حفاظتی سامان کی پہلی کھیپ ڈاکٹروں کے حوالے کر دی، ن لیگ کے صدر میاں شہباز شریف نے اپنے ٹوئٹر پیغام میں کہا کہ قائد
میاں محمد نواز شریف کی ہدایت پر ڈاکٹرز، طبی عملے کی حفاظت کے لئے سامان فراہم کیا ہے پہلی کھیپ میں 5 ہزار حفاظتی لباس اور 5 ہزار ماسک شامل ہیں۔ میاں شہباز شریف کی اپیل پر ایک مخیر شخص عرفان نے یہ سامان عطیہ کیا ہے۔
