تمہیں ڈٹے رہنے پر مبارکباد پیش کرتا ہوں ،نواز شریف کا ٹیلفونک رابطہ،لیگی رہنما کو کیا ہدایات جاری کر دیں؟ تفصیلات سامنے آگئیں

  جمعہ‬‮ 28 فروری‬‮ 2020  |  16:33

اسلام آباد ( آن لائن ) مسلم لیگ ن کے تاحیات قید اور سابق وزیراعظم نوازشریف نے حال ہی میں جیل سے رہا ہونے والے سابق وزیرداخلہ احسن اقبال سے ٹیلی فونک رابطہ کیا ہے۔سابق وزیراعظم نے احسن اقبال کو ضمانت ملنے پر مبارکباد دی اور سیاسی امور پر تبادلہ خیال کیا ہے۔ ذرائع کے مطابق نوازشریف نے کہا ممیں سچ کا ساتھ دینے کیلئے ڈٹے رہنے پر مبارکباد دیتا ہوں۔ن لیگ کے تاحیات قائد نواز شریف نےاپنے بیانیہ سے بھی احسن اقبال کو آگاہ کیا اور ہدایت کی کہ کسی کے دبائو آئے بغیر حق و سچ کیساتھ ڈٹے


رہیں۔ احسن اقبال نے حوصلہ بڑھانے پر نواز شریف کا شکریہ ادا کیا ہے۔ خیال رہے کہ احسن اقبال حال ہی میں نیب کی حراست سے ضمانت پر رہا ہوئے ہیں۔ ان پر الزام ہے کہ انہوں نے اسپورٹس سٹی تعمیر کرکے قومی خزانے کو نقصان پہنچایا۔قومی احتساب بیورو کا مؤقف ہے کہ اسپورٹس سٹی کی تعمیر میں پاکستان اسپورٹس بورڈ نے اختیارات سے تجاوز کرتے ہوئے خلاف قانون تین ارب روپے کا منصوبہ نارووال میں شروع کیا۔نیب احسن اقبال کو 23 دسمبر2019 کو گرفتار کیا تھا اور بعد ازاں اسلام آباد ہائی کورٹ نے ان کی ضمانت منظور کی تھی ۔ دوسری جانب کرونا وائرس کے معاملے پر مسلم لیگ ن نے فوری طور پر آل پارٹیز کانفرنس بلانے کا مطالبہ کر دیا، حکومتی سطح پر آگاہی مہم چلانے کے مطالبے کی قرارداد پنجاب اسمبلی میں جمع کروائی گئی۔قرارداد مسلم لیگ (ن) کی رکن عظمیٰ بخاری نے جمع کرائی جس میں کہا گیا ہیکہ حکومتی وزرا بیان بازی کی بجائے عملی اقدامات پر توجہ دیں، ایوان پاکستان میں کرونا وائرس کے کیسز سامنے آنے پر گہری تشویش کا اظہار کرتا ہے، وائرس کے کیسز سامنے کے بعد معاون خصوصی ظفر مرزا کے دعووں کی قلعی کھل گئی ہے، ملک میں کرونا کیسز سامنے آنے پر قوم میں تشویش پائی جاتی ہے، وفاقی حکومت کی جانب سے کرونا وائرس کی روک تھام کے لئے کوئی خاطر خواہ اقدامات نہیں کیے گئے۔قرارداد میں کرونا وائرس سے متعلق فوری آل پارٹیز کانفرنس طلب کر کے حکومتی سطح پر آگاہی مہم چلانے کا مطالبہ کیا گیا ہے۔


موضوعات: