جہاز میں ائیر ہوسٹس پر حملہ مسافر نے غصے میں آکر ائیر ہوسٹس کا سر پھاڑ دیا

اسلام آباد(مانیٹرنگ ڈیسک)دبئی سے پاکستان آنے والی نجی ائیر لائن کی پرواز میں ائیر ہوسٹس پر حملہ کر کے زخمی کر دیا گیا ۔ مقامی اخبار میں شائع رپورٹ کے مطابق ائیر ہوسٹس اور مسافر میں معمولی سے تلخ کلامی لڑائی میں تبدیل ہو گئی ۔ تلخ کلامی پر مسافر آپے سے باہر ہو گیا اور موبائل مار کر ائیر ہوسٹس کا سر پھاڑ دیا ۔ بتا یا گیا ہے کہ نجی ائیر لائن کی پرواز دبئی سے پاکستان آرہی تھی ،مسافر اپنے موبائل سے ویڈیو بنا رہا تھا جس پر ائیر ہوسٹس اسے اس منع کیا، مسافر منع کرنے پر

شدید غصے میں آگیا اور دونوں کے مابین بحث شدت اختیار کر گئی ،مسافر نے غصے میں آکر ہاتھ میں پکڑا ہوا موبائل ائیر ہوسٹس کے سر میں دے مارا جس کی وجہ وہ شدید زخمی ہو گئی ۔ تاہم واقعے کے بعد ملزم کو گرفتار کر لیا گیا جبکہ ائیر ہوسٹس کو طبی امداد کیلئے ہسپتال منتقل کر دیا گیا ہے ۔