اسلام آباد (مانیٹرنگ ڈیسک) ڈوبتے جہاز میں چوہے ہوتے ہیں ، شیخ رشید ڈوبتے جہاز کا پہلا چوہا ہو گا جو وقت آنے پر وزارت سے استعفیٰ دے گا ۔تفصیلات کے مطابق سینئر سیاستدان وسابق پی ٹی آئی رہنما جاوید مخدوم ہاشمی نے کہا ہے کہ وفاقی حکومت کے وزیر پنجاب حکومت کیخلاف کھل کر بیان دے رہے ہیں ۔ میڈیا سے گفتگو میں ان کا کہنا تھا کہ ڈوبتے جہاز میں چوہتے موجود ہوتے ہیں وفاقی حکومت کے ڈوبتے جہاز میں شیخ رشید پہلا

چوہا ہو گا جو وزارت سے چھوڑ دے گا ۔ مینجمنٹ کا اس وقت یہ حال ہے کہ پورے پاکستان کو بڑے بحران نے اپنی لپیٹ میں لے رکھا ہے ، جبکہ کابینہ کا بحران بھی واضح ہو تا جارہا ہے ، وزراء ایک دوسرے کیساتھ کھل کر جنگ کر رہے ہیں ۔ جاوید ہاشمی کا مزید کہنا تھا کہ تبدیلی لانے والی پارٹی تحریک انصاف کی کابینہ میں قومی اسمبلی اراکین ایک دوسرے کیخلاف جنگ لڑرہے ہیں ایک وزیر کہہ رہا ہے کہ گندم والا ایک سکینڈل ہے ۔