چیئرمین سینیٹ کا مقابلہ سخت،جیت کس کی ہوگی؟ حکومت یا اپوزیشن؟ شیخ رشید نے بڑی پیش گوئی کردی

  ہفتہ‬‮ 27 جولائی‬‮ 2019  |  20:04

اسلام آباد( آن لائن)وفاقی وزیر ریلوے شیخ رشید نے کہا ہے کہ فضل الرحمان کے پاس جانے والوں کی کھچائی ہوئی ہے، چیئرمین سینیٹ کا مقابلہ سخت ہے، لیکن صادق سنجرانی کو جیتتے دیکھ رہا ہوں، عمران خان کے ساتھ آرمی چیف اور فوج کی سپورٹ ہے۔انہوں نے آج یہاں میڈیا سے گفتگو کرتے ہوئے کہا کہ وزیراعظم عمران خان کا امریکا کا دورہ تاریخی تھا۔عمران خان کی تھکاوٹ ابھی ختم نہیں ہوئی کہ مثبت اثرات آنا بھی شروع ہوگئے ہیں۔عمران خان نے امریکا میں جاکرایران جنگ کی مخالفت کی۔انہوں نے کہا کہ عمران خان کی قسمت ہے کہ برطانیہ


میں بھی عمران خان کے دوست آگئے ہیں۔شیخ رشید نے کہا کہ میں جاہل اور گنوار قسم کا وزیر نہیں ہوں۔عمران خان ایماندار آدمی ہے۔تحریک انصاف سے عمران خان کو مائنس کردیا جائے توپی ٹی آئی صفر ہے۔ان لوگوں نے اتنا لوٹا ہے کہ ہمیں صرف معیشت کا چیلنج ہے۔عمران خان کہتے ہیں یہ چور اور ڈاکو ہیں ان کے ساتھ کوئی سلسلہ نہیں ہونا چاہیے۔شیخ رشید نے کہا کہ اپوزیشن کی جلسیوں سے کوئی خطرہ نہیں ہے۔اتنے ناکام جلسے برصغیر پاک وہند کی تاریخ میں کبھی بھی نہیں ہوئے۔انہوں نے کہا کہ جو لوگ فضل الرحمان کے پاس گئے تھے ان کی کھچائی ہوئی ہے۔اگرچہ چیئرمین سینیٹ کا مقابلہ سخت ہے لیکن میں صادق سنجرانی کو جیتتے ہوئے دیکھ رہا ہوں۔وفاقی وزیر نریلوے نے کہا کہ عمران خان کے ساتھ آرمی چیف اور فوج کی سپورٹ ہے۔ دوسری جانب امریکا نے پاکستان کیلئے ایف16 جہازوں کی تکنیکی معاونت کیلئے 12کروڑ50 لاکھ ڈالرکی منظوری دیدی گئی ہے۔ امریکا کی ڈیفنس سکیورٹی کو آپریشن ایجنسی ڈی ایس سی اے کی جانب سے جاری بیان کے مطابق طیاروں کی بہتری اوربحالی کیلئے معاونت کی منظوری امریکی محکمہ خارجہ نے دی۔امریکی محکمہ کی جانب سے یہ اعلان وزیراعظم عمران خان کے واشنگٹن کے تین روزہ سرکاری دورے کے محض چند دنوں کے بعد کیا گیا ہے جہاں عمران خان نے امریکی صدر ڈونلڈ ٹرمپ اور دیگر اعلی حکام کے ساتھ دو طرفہ تعلقات کو از سر نو تشکیل دینے کے حوالے سے تفصیلی تبادلہ خیال کیا۔ایجنسی کی جانب سے جاری بیان کے مطابق حکومت پاکستان کی جانب سے امریکی حکومت اور تکنیکی و لاجسٹک سپورٹ سروسز اور دیگر متعلقہ عناصر سے پاکستان کے ایف 16 پروگرام کے آپریشن اور نگرانی میں معاونت لاجسٹک سپورٹ جاری رکھنے کی استدعا کی گئی تھی۔

موضوعات:

loading...