حکومت آسانی سے گرائی جا سکتی ہے، نواز شریف علاج کی غرض سے مخصوص عرصے کے لئے ملک سے باہر جانا چاہتے ہیں، خواجہ آصف کے انکشافات، بڑا دعویٰ کردیا

  منگل‬‮ 21 مئی‬‮‬‮ 2019  |  22:18

اسلام آباد(آن لائن) مسلم لیگ ن کے رہنما خواجہ آصف نے کہا ہے کہ حکومت آسانی سے گرائی جا سکتی ہے مگر مسلم لیگ ن فوری طور پر ایسے اقدامات نہیں کرنا چا رہی جس سے حکومت گرنے حکومت کا آئی ایم ایف پروگرام میں تاخیر سے جانے سے ملک میں غیر یقینی کی صورتحال پیدا ہو ئی نواز شریف علاج کی غرض سے مخصوص عرصے کے لئے ملک سے باہر جانا چاہتے ہیں نجی ٹی وی کو انٹر ویو دیتے ہوئے خواجہ آصف نے کہا ہے کہ حکومت آسانی سے گرائی جا سکتی ہےلیکن ہماری جماعت جماعت فوری طور


پر ایسے اقدامات نہیں کرنا چا رہی جس سے حکومت گرے، وزیراعظم عمران خان تباہی پھیلانے والی حکومت چلا رہے ہیں انہوں نے کہا کہ اسحاق ڈار کے چار سالہ دور میں ریونیو دو گنا ہو گیا ہے سٹاک مارکیٹ دنیا کی بہترین مارکیٹ بن چکی تھی بین الاقوامی ادارے ہماری معاشی پالیسی کی تعریف کر رہے تھے تا ہم ہمیں زیادہ اصلاحات کرنی چاہئے تھیں۔ موجودہ حکومت کی جانب سے نرخ بڑھانے کے باوجود گردشی قرضے کا مسئلہ حل نہیں ہو رہا حکومت کے آئی ایم ایف پروگرام کی جانب فوری نہ جانے سے ملک میں غیر یقینی صورتحال پیدا ہو ئی اور ٹائمنگ کی غلمی سے کوئی تدبیر کارگر ثابت نہیں ہو رہی۔ خواجہ آصف نے کہا کہ نواز شریف کا نعرہ ووٹ کو عزت دو بنیادی طور پر آئین کے نفاذ کی بات ہے جب تک آئین کا تقدس مکمل بحال نہیں ہو گا تب تک وفاق خطرے میں رہے گا اسی نعرے پر میاں نواز شریف نے قربانی دی خواجہ آصف نے کہا کہ نواز شریف اب بھی ملک سے باہر نہیں جانا چاہتے لیکن وہ اپنے بیٹوں اور خاندان والوں کے ساتھ مل کر اپنی مرحومہ اہلیہ کا دکھ بانٹنا چاہتے ہیں نواز شریف کی دل کی سرجری ہو چکی ہے اور ان کا میڈیکل ریکارڈ اس ڈاکٹر کے پاس ہے لہذا ان کی خواہش ہے کہ وہ ملک سے باہر علاج کرائیں وہ مخصوص وقت کے لئے علاج کی غرض سے باہر جانا چاہتے ہیں شہباز شریف عید کے بعد بجٹ اجلاس تک واپس آ جائیں گے خواجہ آصف نے کہا کہ اگر حکومت کے پاس ہمارے خلاف ثبوت ہوتے تو حکومت کبھی ہمیں نہ چھوڑتی۔

loading...