سپورٹس کوٹہ پر آکسفورڈ میں داخلہ لینے والے عمران خان ملک کو بدنام کررہے ہیں،پیپلز پارٹی نے وزیر اعظم پر ایک اور بیان داغ دیا

  منگل‬‮ 23 اپریل‬‮ 2019  |  17:34

کراچی(آن لائن)پاکستان پیپلزپارٹی کراچی ڈویژن کے صدر اور وزیربلدیات سندھ سعید غنی نے کہا ہے کہ اسپورٹس کوٹے پر آکسفورڈ میں داخلہ لینے والے عمران خان ملک کو بدنام کررہے ہیں، میڈیا کو جاری بیان میں سعید غنی نے وزیراعظم عمران خان کے جرمنی اور جاپان سے متعلق بیان پر ردعمل دیتے ہوئے کہا کہ عمران خان کے احمقانہ بیان کے دفاع کے بجائے وزراء اپنے اپنے محکموں کی کارکردگی پر توجہ دیں،عمران خان کے درباری آج اسی طرح غلط بیانکا دفاع کررہے ہیں جیسے ماضی میں ایم کیوایم والے کرتے تھے،عمران خان کے مشیر وزیراعظم کے کچھ بولنے سے


قبل پرچی پکڑایا کریں، سعیدغنی نے کہا کہ عمران خان کی عام معلومات اس قابل نہیں کہ وہ عالمی فورمز پر بات کرسکیں، عمران خان نے واضح طور پر جرمنی اور جاپان کی سرحد کو مشترکہ قرار دیا، جرمنی اور جاپان دومختلف براعظموں میں ہزاروں میل کے فاصلے پر ہیں،تہران میں بیٹھ کر جغرافیہ کی مٹی پلید کرکے عمران خان نے پوری قوم کو شرمندہ کردیا۔

موضوعات:

loading...