لاہور ( این این آئی)سرکاری ایل پی جی کمپنی ایس ایس جی سی نے گیس کے ریٹ میں 5روپے فی کلو اضافہ کر دیا جس کے بعد گھریلو سلنڈر 40 سے 50 روپے اور کمرشل سلنڈر 190 روپے مہنگا ہو گیا۔ایل پی جی گیس کی قیمت کراچی میں 80روپے فی کلو، گھریلو سلنڈر 910روپے ،لاہور، گوجرانوالہ، فیصل آباد، جہلم، قصور، ساہیوال، سیالکوٹ، ڈسکہ، پشاور میں 85روپے فی کلو اور گھریلو سلنڈر 970،رحیم یار خان، صادق آباد، حیدر آباد، ، اٹک ،گجرات، میرپور آزاد کشمیر میں 105روپے فی کلو

اور گھریلو سلنڈر 1210روپے ،راولپنڈی ، اسلام آباد، ایبٹ آباد،مظفر آباد، باغ، فاٹا، کوٹلی، ٓآزادکشمیر، ٹنڈو محمد خان، ٹنڈو اللہ یار، میر پور خاص، عمر کوٹ، نواب شاہ، منباری، ٹھٹہ، دادو، جام شورو، شکار پور میں 110روپے فی کلو اور گھریلو سلنڈر 1270،گلگت بلتستان، مری،نتھیا گلی، بالاکوٹ میں 115روپے کلو اور گھریلو سلنڈر 1330روپے کا ہو گیا ۔ اس حوالے سے ایل پی جی ڈسٹری بیوٹرز ایسوسی ایشن پاکستان اور ایف پی سی سی آئی کی قائمہ کمیٹی ایل پی جی برائے2017 کے چیئرمین عرفان کھوکھر نے کہا کہ ایس ایس جی سی کی ہٹ دھرمی اور بدمعاشی کی وجہ سے نہ صرف پاکستان کی غریب عوام بلکہ ایل پی جی درآمدی کمپنیاں بھی نقصان اٹھانے پر مجبور ہیں۔انہوں نے بتایا کہ عموماً ایل پی جی کی ڈیمانڈ3000سے 3500میٹرک ٹن فی ماہ رہتی ہے لیکن یہ ڈیمانڈ رمضان میں 7000میٹرک ٹن سے کراس کر جائے گی اور جس لحاظ سے گیس کی قیمت میں اضافہ کیا جا رہا ہے، آنے والے دنوں میں ایس ایس جی سی پاکستان کی تاریخ میں گیس کا سب سے بڑا کرپشن اسکینڈل سامنے لائے گا جبکہ حکومت نے ماضی میں ایسی پالیسیاں اپنائی ہیں جس کی وجہ سے غریب عوام کو آج گیس عام میسر ہے لیکن یہ کمپنی حکومت کے خلاف سازش کر کے نہ صرف بدنام کرنے بلکہ کڑوڑوں کا نقصان کروانے کابھی سبب بن رہی ہے۔

موضوعات:بجلی عوام گیس سلنڈر