اسلام آباد(مانیٹرنگ ڈیسک)پاک فوج کے سربراہ جنرل قمر جاوید باجوہ لاہور پہنچ گئے جہاں انہوں نے داتا صاحب حاضری دی ۔نجی ٹی وی کے مطابق آرمی چیف کی آمد کے موقع پر داتا صاحب کے اطراف سخت سکیورٹی کا انتظام کیا گیا ، جنر ل قمر جاوید باجوہ نے داتا صاحب حاضری دی ، چادر چڑھائی اور

فاتحہ خوانی کی۔ آرمی چیف اس موقع پر داتا صاحب کے احاطے میں بیٹھ گئے اور کچھ وقت بھی گزارا جس دوران وہ فاتحہ خوانی کرتے رہے ۔آرمی چیف آج لاہور میں اپنا مصروف ترین دن گزاریں گے جس دوران وہ اعلیٰ حکام سے ملاقاتیں کریں گے اور انہیں دیگر اہم معاملات پر بریفنگ بھی دی جائے گی ۔

موضوعات:آرمی چیف