لاہور(مانیٹرنگ ڈیسک) نجی ٹی وی چینل اے آر وائی نیوز کی رپورٹ کے مطابق ڈیفنس میں زیڈ بلاک کے بعد لاہور کے ہی علاقے گلبرگ میں ایک اور دھماکے کی آواز سنی گئی ہے۔ میڈیا ذرائع کے مطابق قانون نافذ کرنے والے ادارے جائے وقوعہ پر پہنچ رہے ہیں۔ گلبرگ دھماکہ ایک غیر ملکی ریسٹورنٹ کے سامنے ہونے کی اطلاعات آ رہی ہیں۔ واضح رہے کہ اس سے قبل لاہور کے پوش علاقے ڈیفنس میں زور دار دھماکا ہوا جس کے نتیجے میں 7افراد کے شہید اور درجنوںافراد کےزخمی ہونے کی اطلاع ہے۔ دھماکے کے بعد قانون نافذ کرنے والے
اداروں نے علاقے کو گھیرے میں لے لیا ہے اور پولیس کی مزید نفری طلب کر لی گئی ہے جبکہ سرچ آپریشن کا بھی آغاز کر دیا گیا ہے ۔ دھماکے میں شہید ہونے والے شخص کی شناخت ابھی تک نہیں ہو سکی اور دھماکے کی نوعیت کا تعین کیا جا رہا ہے۔