تہران (این این آئی)ایران میں امریکا کی مرکزی خفیہ ایجنسی سی آئی اے کے لیے جاسوسی کے جرم میں سزائے موت پانے والے شخص کو بہت جلد تختہ دار پر لٹکا دیا جائے گا۔میڈیارپورٹس کے مطابق ایران کی عدلیہ سے وابستہ ایک ویب سائٹ نے ترجمان غلام حسین اسماعیلی کا ایک ویڈیو بیان جاری کیا ۔
اس میں انھوں نے اس شخص کو جلد پھانسی پر لٹکانے کی اطلاع دی ۔اس ویڈیو بیان کی سکرین پر لفظ ’’لائیو‘‘ لکھا ہوا تھا لیکن انھوں نے چار فروری کو بھی اسی طرح کا ایک بیان جاری کیا تھا۔البتہ یہ واضح نہیں کہ آیا وہ اس موضوع پر ایک نیوز کانفرنس میں بھی گفتگو کررہے ہیں۔
