دمشق(آئی این پی) اسرائیلی نے شام پر راکٹ حملہ کیا ہے جس میں تحقیقی مرکز کو نشانہ بنایا گیا۔غیر ملکی میڈیا کے مطابق شامی حکومت کا کہنا ہے کہ اسرائیلی فوج نے دمشق کے نواح میں واقع ایک تحقیقی مرکز کو نشانہ بنانے کی کوشش کی ہے۔ حکومتی ذرائع نے بتایا ہے
کہ گزشتہ دن جمرایا میں واقع اس تنصیب پر کئی راکٹ داغے گئے لیکن شامی فوج کے دفاعی نظام نے کئی راکٹوں کو فضا میں ہی تباہ کر دیا۔واضح رہے کہ شامی حکومت الزام عائد کرتی ہے کہ ماضی میں بھی اسرائیلی فضائیہ اس تحقیقی مرکز کو ہدف بنا چکی ہے۔
