نارووال (آن لائن)پنجاب کے شہر نارووال میں مضر صحت کھانا کھانے سے ایک ہی خاندان کے 14 افراد بے ہوش ہو گئے۔اسپتال ذرائع کے مطابق متاثرین کی حالت تسلی بخش ہے، جنہیں طبی امداد دی جارہی ہے۔ریسکیو ذرائع کے مطابق نارووال کے نواحی گا ئوں میں غیر معیاری کھانا کھانے سے ایک ہی خاندان کے 14 افراد کی حالت غیر ہو گئی اور تمام افراد

بے ہوش ہوگئے۔ بے ہوش ہوجانے والے تمام افراد کو جان بچانے اور طبی امداد دینے کے لیے اسپتال منتقل کیا گیا۔اسپتال انتظامیہ کے مطابق متاثرہ افراد میں بچے، خواتین اور مرد شامل ہیں جن کو طبی امداد دی جا رہی ہے۔اسپتال کے ایم ایس ڈاکٹر لطیف کے مطابق مذکورہ خاندان نے رات کا باسی کھانا کھایا تھا جو غیر معیاری تھا، اب متاثرین کی حالت خطرے سے باہر ہے۔