لاہور(این این آئی)پاکستانی ٹیسٹ کرکٹر امام الحق کو پریذیڈنٹ ٹرافی کھیلنے کی اجازت مل گئی ہے۔ذرائع کے مطابق ایونٹ میں امام الحق او جی ڈی سی ایل کی نمائندگی کریں گے،
وہ (آج)منگل سے شروع ہونے والے آخری راؤنڈ کے لیے ٹیم کو دستیاب ہوں گے۔او جی ڈی سی ایل نے بھی امام الحق کی دستیابی کی تصدیق کی ہے۔ ٹیم کا (آج) منگل کا میچ لاہور میں غنی گلاس کے خلاف شیڈول ہے۔پاکستان کرکٹ بورڈ (پی سی بی) نے امام الحق کو کھیلنے کی اجازت کے حوالے سے او جی ڈی سی ایل کو آگاہی دی تھی۔گزشتہ روز پی سی بی نے سابق ٹیسٹ کپتان محمد رضوان کو بھی فرسٹ کلاس کرکٹ کھیلنے کی اجازت دی تھی۔
