اسلام آباد(مانیٹرنگ ڈیسک)عیسائی ماہرین نے قیامت کے جلد برپا ہو جانے سے متعلق وارننگ جاری کر دی، تفصیلات کے مطابق بائبل کے ماہرین عیسائیوں نے قرب قیامت سے متعلق بائبل اور ان کی دیگر مقدس مذہبی کتابوں میں لکھی گئی 45نشانیاں پوری ہونے کا اعتراف کرتے ہوئے دنیا کےلئے وارننگ جاری کر دی، عیسائی ماہرین نے ڈونلڈ ٹرمپ کا امریکی صدر بننے کو بھی قیامت کی نشانی قرار دیا ہے،
ماہرین کے مطابق نیوکلیئر ہتھیاروں کی دوڑ، کلائمٹ چینج، قاتل ایسٹروئیڈز کی نقل و حرکت اور ڈونلڈ ٹرمپ کا امریکی صدر بننا ایسی نشانیاں ہیں جن سے یہ ثابت ہوتا ہے کہ قیامت انتہائی قریب اور دنیا ایک طوفان کے دھانے پر کھڑی ہے، اس حوالے سے عیسائی ماہرین نے اپنی مذہبی کتابوں جن میں بائبل جو کہ عہد نامہ قدیم یعنی توریت اور احکامات الٰہی اور عہد نامہ جدید یعنی انجیل پر مشتمل ہے کے حوالے سے انکشاف کیا ہے کہ قیامت کی 45نشانیاں پوری ہو چکی ہیں۔عیسائی ماہر ٹوڈ سٹرینبرگ نے اس حوالے سے ریپٹر انڈیکس، بھوت پریت کی منـظر عام پر آنے والی خطرناک سرگرمیاں، دہشتگردی ، موسم میں شدت، ڈونلڈ ٹرمپ کا امریکی صدر کے طور پر ظہور، نیوکلیئر ہتھیاروں کی دوڑ اور عیسائی مذہبی کتابوں میں دئیے گئے حوالوں کو بنیاد بنایا ہے۔یاد رہے کہ اس سے قبل امریکی ماہرین کی بنائی گئی قیامت کی گھڑی جسے بلیٹن آف اٹامک سائنٹسٹ کام نام دیا گیا ہےکو قیامت آنے کے وقت سے متعلق منسوب کیا جاتا ہےکہ حوالے سے بھی انکشاف کیا تھا کہ قیامت کی گھڑی پر ساینسدانوں نے ایٹمی ہتھیاروں کے پھیلائو اور حصول کو مد نظر رکھتے ہوئے ڈھائی منٹ کا تیز رفتار اضافہ کر دیا ہے، اس گھڑی میں رات کے 12بجے کو قیامت سے تعبیر کیا گیا ہے اور ان ڈھائی منٹ سے قبل گھڑی پر 12بجنے میں پانچ منٹ اور تیس سیکنڈ باقی تھے۔
