لاہور(این این آئی)لاہور قلندر کا پرستار میچ دیکھنے کے لئے سٹریچر پر اسٹیڈیم پہنچا۔ بتایا گیا ہے کہ مریدکے کے رہائشی حیدر علی کی مشین میں آنے کے باعث ایک ٹانگ اور بازو کٹ گئے اور اس کا ہسپتال میں علاج جاری ہے۔حیدر علی نے بتایا کہ وہ لاہور قلندرز کا پرستار ہے،پہلے ہسپتال کے بیڈ پر میچ دیکھتا اور جیت کی دعا کرتا تھا،اب سپورٹ کرنے کے لئے اسٹیڈیم آیا ہو۔اس موقع پر ترجمان پنجاب حکومت حسان خاور اور سی ای او لاہور قلندرز عاطف رانا نے حیدر علی کی خیریت دریافت کی اور اسٹیڈیم آنے پر اس کا شکریہ ادا کیا۔حیدر علی اور اس کی والدہ نے علاج معالجے کیلئے تعاون کرنے کی بھی درخواست کی۔