لاہور(این این آئی)مسلم لیگ(ن) نے عالمی منڈی میں تیل کی قیمتوں میں کمی کے باعث پیٹرول کی قیمت میں 50روپے فی لیٹر کمی کے مطالبے کی قرارداد پنجاب اسمبلی سیکرٹریٹ میں جمع کر ادی۔رکن سمیرا کومل نے کی جانب سے جمع کرائی گئی قرارداد کے متن میں کہا گیا ہے کہ عالمی منڈی میں پیٹرول کی قیمت ڈیڑھ سال کی کم ترین سطح پر آگئی ہے،عالمی منڈی میں پیٹرول کی قیمت 85ڈالر فی بیرل سے 75ڈالر پر آگئی ہے،پاکستان میں مسلسل ایک ماہ میں دو بار پیٹرول کی قیمتوں میں اضافہ کیا جا رہا ہے،مطالبہ ہے عالمی منڈی میں تیل کی قیمتوں میں کمی کے مدنظر رکھتے ہوئے پیٹرول کی قیمت میں 50روپے لیٹر کمی کی جائے۔