لاہور (این این آئی)پاکستان سپر لیگ کی سب سے مقبول اور متحرک فرنچائز لاہور قلندرز نے ٹی ٹوئنٹی ورلڈ کپ میں شریک پاکستان کرکٹ ٹیم کے لیے خصوصی نغمہ ”ہم ہیں پاکستان“ جاری کر دیا۔2منٹ 20 سیکنڈ پر مشتمل ویڈیو کے لیرکس میں پاکستانی قومی ٹیم کے کھلاڑیوں کو بہترین انداز میں پرجوش کرنے کا سامان فراہم کیا گیا ہے۔لاہور قلندرز کے سی ای او عاطف رانا نے قومی ٹیم کے لیے نیک خواہشات کا اظہار بھی کیا ہے۔عاطف رانا کا کہنا ہے کہ قومی ٹیم میں شامل لاہور قلندرز کے کھلاڑی بھی عمدہ کھیل پیش کر کے ٹیم کو جیت دلوائیں گے۔