لاہور (این این آئی)پاکستان انٹرنیشنل ایئرلائنز کی موبائل فون سمگلنگ میں ملوث ایئرہوسٹس پکڑی گئی۔رپورٹ کے مطابق کسٹمز حکام نے دعوی کیا کہ لاہور ایئرپورٹ پر ابوظہبی سے آنے والی ایئرہوسٹس سے موبائل برآمد کرلئے گئے۔

ذرائع کسٹمز نے الزام لگایا ہے کہ ایئرہوسٹس پرواز پی کے 264پر درجنوں قیمتی موبائل سمگل کرکے لائی۔حکام نے کہا کہ ابوظہبی سے لاہور آنیوالے ائیرہوسٹس کے سامان کو شک کی بنیاد پر چیک کیا تو موبائل برآمد ہوئے۔ ذرائع کے مطابق کسٹمز نے تمام موبائل ضبط کرکے ائیرہوسٹس کیخلاف تادیبی کارروائی شروع کردی ہے ۔