پشاور (این این آئی)خیبر پختونخوا کے بیشتر اضلاع میں بارش جبکہ پہاڑوں پر برف باری کا امکان ہے۔محکمہ موسمیات کے مطابق صوبے کے بیشتر اضلاع میں موسم جزوی ابرآلود رہنے کا امکان ہے جبکہ دیر، چترال، شانگلہ ،سوات، تور غر ، مانسہرہ، ایبٹ آباد میں بارش اور پہاڑوں پر برفباری کا امکان ہے۔

واضح رہے کہ گزشتہ روز پشاور میں ہلکی بارش ریکارڈ ہوئی تھی،ا س کے علاوہ سب سے زیادہ چترال میں 8ملی میٹر بارش ،پہاڑوں پر برفباری ریکارڈ کی گئی۔کالام میں 6ملی میٹر ،مالم جبہ 4ملی میٹر، دیر ،بنوں 2ملی میٹر بارش ریکارڈ کی گئی۔ ادھر کالام میں درجہ حرارت منفی 2، مالم جبہ منفی 5،پاراچنار منفی 4ڈگری سینٹی گریڈ ریکارڈ کیا گیا۔