لاہور( این این آئی)پولیس نے سابقہ بیوی اور بچوں کو زندہ جلانے کی کوشش کرنے والے ملزم کو گرفتار کر لیا ۔غازی آباد سے خاتون نے 15 ایمرجنسی ہیلپ لائن پر کال کی،خاتون نے بتایا کہ اس کا سابقہ شوہر اسے مسلسل ہراساں کر رہا ہے۔خاتون کے مطابق ملزم نے مجھے اور بچوں کو پٹرول چھڑک کر آگ لگانے کی کوشش بھی کی،خاتون نے بروقت ہمسائیوں کے گھر پناہ لے کر اپنی اور بچوں کی جان بچائی۔
15 ایمرجنسی ہیلپ لائن پر کال کے بعد ورچوئل ویمن پولیس اسٹیشن نے فوری طور پر پولیس کو موقع پر روانہ کیا۔ترجمان کے مطابق پولیس نے موقع پر پہنچ کر خاتون اور بچوں کو تحفظ فراہم کیا۔ملزم کے خلاف مقدمہ درج کر کے اسے گرفتار کر لیا گیا۔
