اسلام آباد (این این آئی)اپوزیشن اتحاد کے سربراہ محمود خان اچکزئی نے پی ٹی آئی سے سول نافرمانی کی تحریک مؤخر کرنے کی اپیل کر دی۔ایک بیان میں محمود خان اچکزئی نے کہا ہے کہ پی ٹی آئی سے اپیل ہے کہ سول نافرمانی کی تحریک مؤخر کر دیں۔

محمود خان اچکزئی نے کہاکہ حکومت کے ساتھ مذاکرات وقت کی اہم ضرورت ہیں۔انہوں نے مشورہ دیا ہے کہ مذاکرات میں طے ہونا چاہیے حکومت کب ہٹے گی۔محمود خان اچکزئی نے کہا کہ بات چیت سے مسائل کا حل نکلے تو اس سے اچھی بات نہیں، اگر بات چیت سے مسائل حل نہیں ہوتے تو تحریک چلانی پڑے گی۔اپوزیشن اتحاد کے سربراہ نے کہا کہ مذاکرات کی کامیابی کی صورت میں 4 ماہ میں انتخابات کا مطالبہ کرتا ہوں۔انہوںنے کہاکہ کل پی ٹی آئی کی دعوت پر کْرم اور پی ٹی آئی کے شہدائ کی دعا کے لیے پشاور جائیں گے۔