اسلا م آباد (این این آئی) اسلا م آباد پولیس نے مختلف علاقوں میں کارروائیوں کے دوران پی ٹی آئی کے چھپے ہوئے 200 کارکن گرفتار کر کے اسلحہ برآمد کرلیا ۔ ذرائع کے مطابق 24نومبر کے احتجاج سے قبل پی ٹی آئی کارکنوں کی گرفتاریاں جاری ہیں۔
گزشتہ شب اسلام آباد پولیس کی 27ٹیموں نے شہر کے مختلف علاقوں میں سرچ آپریشن کرکے پی ٹی آئی کے 200 کارکنوں کو گرفتار کرلیا۔پولیس ذرائع کے مطابق گرفتار کارکنان میں مرد اور خواتین شامل ہیں جن کے قبضے سے اسلحہ بھی برآمد ہوا۔پولیس حکام کے مطابق گرفتار ملزمان سے اسلحہ برآمدگی پی ٹی آئی کے 24نومبر احتجاج کے دوران شر انگیزی کا عندیہ دیتی ہے، ملزمان کے خلاف سخت قانونی کارروائی عمل میں لائی جا رہی ہے۔
