اسلام آباد (این این آئی) وزیر دفاع خواجہ آصف نے کہا کہ گنڈاپور بانی پی ٹی آئی کی مرضی سے کمپرومائزڈ ہیں، وہ ان کی مرضی سے دونمبری کررہے ہیں۔ صوابی میں پی ٹی آئی جلسے میں وزیراعلی خیبرپختونخوا کے بیان پر ردعمل دیتے ہوئے وزیر دفاع خواجہ آصف نے کہا کہ گنڈاپور بانی پی ٹی آئی کی مرضی سے کمپرومائزڈ ہیں، وہ ان کی مرضی سے دونمبری کررہے ہیں ۔
انہوں نے کہا کہ بانی پی ٹی آئی گنڈاپور پر امید لگائے بیٹھے ہیں، بانی پی ٹی آئی چاہتے ہیں باہر جانے کا راستہ مل جائے، ایک دو کے علاوہ پی ٹی آئی کی پوری فرنٹ رو قومی اسمبلی اور سینیٹ میں کمپرومائزڈ ہیں، مونچھوں کو تا دیکر سر پر سفید کپڑا بندھنا رنگ بازی ہے۔
