پشاور(این این آئی)پشاور میں خواجہ سرا کی نازیبا ویڈیو سوشل میڈیا پر وائرل ہونے کے معاملے کا مقدمہ درج کر لیا گیا۔ذرائع کے مطابق خواجہ سرا کیس پر خیبر پختونخوا میں پہلی مرتبہ پیکا ایکٹ کے تحت مقدمہ درج کیا گیا ہے۔خواجہ سرا کی درخواست پر تھانہ ہشت نگری میں7 ملزمان کے خلاف مقدمہ درج ہوا ہے۔
مدعی کی جانب سے ایف آئی آر میں دئیے گئے بیان میں کہا گیا کہ ویڈیو وائرل ہونے سے میری اور خاندان کی ساکھ اور عزت مجروح ہوئی ہے۔ایس ایس پی آپریشن پشاورکے مطابق ملزمان کی گرفتاری کیلئے چھاپے مار رہے ہیں، ملزمان کو جلد ہر صورت گرفتار کر لیا جائے گا۔
