اسلام آباد (این این آئی)اسلام آباد ہائی کورٹ نے بانی پی ٹی آئی کی ذاتی معالج سے میڈیکل چیک اپ کی درخواست پر سپرنٹنڈنٹ اڈیالہ جیل کو (آج) بدھ کے لیے نوٹس جاری کر دیا۔اسٹیٹ کونسل نے عدالت کو بتایا کہ ڈاکٹر بانی پی ٹی کا ایک دن میں 3 دفعہ چیک اپ کرتا ہے، 15 اکتوبر کو پمز کا میڈیکل بورڈ گیا اس نے بھی چیک اپ کیا۔
عدالت نے استفسار کیا کہ اگر ڈاکٹر فیصل طبی معائنہ کر لیں تو اس میں آخر حرج کیا ہے؟جسٹس میاں گل حسن اورنگزیب نے کہا کہ آپ لوگوں کو فرق کیا پڑتا ہے؟ آپ لوگوں کا اس میں کیا ایشو ہے؟ (آج) بدھ کے لیے نوٹس کر رہا ہوں، بدھ کو درخواست پر فیصلہ کروں گا۔اسلام آباد ہائی کورٹ نے کیس کی مزید سماعت (آج) بدھ تک ملتوی کر دی۔
