لاہور ( این این آئی) صوبائی دارالحکومت لاہور کے علاقہ تھانہ اکبری گیٹ کی حدود میں دوہرے قتل کی واردات پیش آئی ، داماد نے ساس اور سسر کو فائرنگ کر کے قتل کر دیا۔ پولیس کا کہنا ہے کہ جاں بحق میاں بیوی کی شناخت شیعان اور شبانہ کے نام سے ہوئی۔داماد فیصل نے گھریلو جھگڑے پر فائرنگ کی۔
فیصل بیوی سے ناراضی پر صلح کرنے گھر آیا تھا لیکن صلح کے بجائے اس نے فائرنگ کر دی۔پولیس نے دو ملزمان کو حراست میں لے لیا جبکہ مرکزی ملزم واقعے کے بعد فرار ہو گیا۔ پولیس کا کہنا ہے کہ مرکزی ملزم کی گرفتاری کے لئے چھاپے مارے جارہے ہیں ، جلد اسے گرفتار کر لیں گے۔
