گلگت (این این آئی) گلگت میں وائلڈ لائف اور محکمہ پارکس کے تعاون سے برفانی چیتے کا بچہ ایک گھر سے برآمد کر کے تین افراد کو گرفتار کرلیا گیا۔رپورٹ کے مطابق حکام نے بتایا کہ محکمہ وائلڈ لائف اور محکمہ پارکس نے گلگت میں کارروائی کرتے ہوئے ایک گھر سے برفانی چیتے کا ڈھائی ماہ کا بچہ برآمد کر کے تین افراد کو گرفتار کرلیا ہے۔
وائلڈ لائف حکام کے مطابق برفانی چیتے کے بچے کو غیرقانونی طور پر ڈھائی لاکھ میں فروخت کیا گیا۔حکام کے مطابق چیتے کا بچہ گلگت کی وادی یاسین کے علاقے ناز برنالہ سے اٹھایا گیا تھا،چیتے کے بچے کو وادی نلتر میں بحالی کیمپ میں منتقل کردیا گیا ہے ۔
